الشخصية الخبيثة بشياكة

blog article

 الشخصية الخبيثة بشياكة :


اول ما يميز هذه الشخصية .. إنها عارفة إنها خبيثة،  لكن تتعامل معاك بشياكة جدا وتوصلك إحساس إنها طيبة ولا تقصد أي شيء من أفكارك  اللي بتدور في دماغك ، بالعكس عندها القدرة كمان انها توصلك إحساس إنك ظالمها ، وانك إنت اللي خبيث وشايف كل الناس وحشين!!

الفكرة  راسخة جواها  إن دي طبيعة البشر ... وإن كل الناس بتتعامل كده....
ومش ممكن يصدق إنك طيب ...  يظن كل تعاملاتك كاذبة وأكيد وراها أهداف...
======================
النوع ده من البشر علشان تتعامل معاه محتاج تسأل نفسك الأول عدة أسئلة. 
1. ماذا يمثل هذا الشخص في حياتي.؟
2.هل هو من الأرحام ايه درجة القرابة؟ أو زوج ؟ 
3. لو كان صاحب..  مهم تسأل نفسك إيه وصلك تفكر إنها شخصية خبيثة،  وتراجع أفكارك كويس وتعرف انها مجتش من فراغ، ، وده الوحيد اللي مانكلمش معاه وبدون تردد ..  
======================
الإجابة على كل اسألتك غالبًا هتكون كده.
هتكتشف انه كان مسكن لبعض آلامك ، علشان كده مكنتش حاسس بخطورتة ، لكن الحقيقة هو كان بيتوغل جواك زي مرض السرطان بالظبط .
مش بتحس بألمه في البداية ممكن يعيش جواك سنين وانت مش عارف ، 
بيفسد كل شيء فيك ويحسسك إنه قلبه عليك ،  المخدر  بيكون قوي جدا ، لأنه عارف نقطة احتياجك ، وعارف انه لما بيسكنها إنك مش هتحس بكل حاجة بعدها.
======================
المطلوب منك ببساطة النوع ده لازم تعالجه بالبتر، 
لو كان غريب يبقى البتر نهائي وساعتها هتخف 100% .
لكن لو من الأرحام تعمله بتر جزئي  بحيث يكون دوره في حياتك على صلة الرحم اللي ربنا هيسالك عنها فقط.

#جيهان_حسين 
#اختلافك_سر_تميزك