تعلمت من طائر اليمام:
من حوالي شهر ونص في تقريبا أول مايو 2022 - خرجت كم يوم من البيت ... ونسيت أقفل شيش الشباك . رجعت لقيت بيضة يمامة على الشباك وتحتها قش ، قلت اكيد هتيجي اليمامة الأم ترقد علبها وفعلا ابتدت الأم والأب يجوا يتبادلوا الرقد على البيضة وبعد كم يوم فوجئنا أنهم بيضتين..
كنت منزعجة اني مش عارفة افتح الشباك اهوي الغرفة .. لكن احتسبت الأمر لله .. وقلت كم يوم وخلاص..
بعد اسبوع بدات ابحث على النت علشان أعرف هيمشوا امتى .. لانهم طولوا اكتشفت ان مدة الرقد على البيض من 18ل19يوم يتبادل الأب والأم فيهم لحد ما يخرج اليمام الصغير..
قلت اتحمل والله المستعان .. وكل يوم الصبح اتابعهم لحد مابدأ يظهر اليمام الصغير وفرحنا جدا .. وعدت المدة الحمد لله ... لكن بعدها فوجئت انهم لسه هيعلموهم الطيران .. وطبعا معرفتش افتح الشباك
بدأنا نشوفهم بيكبروا قدام عنينا ، وكل يوم بيمر بيكبروا بسرعة سبحان الله اليوم اللي بيمر كانه سنة أو أكثر من عمر الإنسان ، ، كان بيكبروا بسرعة والام بتيجي تمرنهم ع الطيران والأب يجيي يحط لهم الأكل في فمهم.
امبارح فجأة في لحظة جه غراب بشع خطف واحدة قدام عبني بمنقارة ، واليمامة كانت بتفرفر من الخوف ، حاولت اجري اخبط على الشباك علشان انقذها لكن خطفها في ثانية .. ولقيت الثانية مش موجودة ...
عرفت انه خطفها الأول ورجع ياخد الثانية. ومن ساعتها احنا زعلانين جدا وشعرنا اننا فقدنا حاجة كبيرة ...
وبكيت بشده من مشهد الخطف وهي بتفرفر قدامه ، وأنا عاجزة عن إنقاذها. وبعدها شفت الأم والأب رجعوا بيدوروا على اطفالهم وعينهم تايهة وكأنها بتسأل هم فين. والغريبة ظهر يمام شكله جديد جت تدور معاهم على أولادهم.
► الحقيقة أنا الموقف ده أنا شفته كله دروس وعبر.
1. دور الأب والأم في التربية وأزاي كان بينهم تعاون متبادل ومواعيد محددة كل واحد عارف دوره وحاسس بالمسئولية.
2. تمرين الأب والأم على الطيران ، سبحان الله العظيم ، ده غير طبعا الحنان الفطري الموجودة والخوف عليهم.
3. بشاعة الخطف والأذى وتعذيب روح ضعيفة لا تملك أي شئ. كل ذنبها إنها الأضعف على الإطلاق.
4. احساس الأم بالحرمان من ولادها غدر ، رغم إن ده ممكن يكون معروف بالنسبة لهم.
5.تعاون الكل للمساعدة .
6. ... ده أهم درس ... ان ربنا بيقتص من الحيوانات لحقهم يوم القيامة يبعثهم ليفعل به ما فعل في غيره ... ثم لا يكون شيئا ... لأنهم مش هيدخلوا جنة ولا نار ... لكنه العدل والقصاص.
فكيف بروح إنسان يقتل عمدا ؟!.. وشعور الأم الي بيرجع لها حد من أولادها مقتول غدرا.؟!.... .كيف تأخذنا
رأفة بالقاتل مهما كان ؟!!
#جيهان_حسين
#اختلافك_سر_تميزك
#علاجك_جواك_اتكلم
شارك المقالة
انضم إلينا
موضوعات ذات صلة
لحجز استشارة أون لاين مع
65
تهتم الأكاديمية الدولية لتطوير الذات بتقديم التدريب والاستشارات النفسية والأسرية عبر الإنترنت، وتتميز بمنهج علمي متكامل في مجالات الصحة النفسية والإرشاد الأسري، وعلاج سلوكي للإدمان، والتنمية البشرية، وتطوير الذات واللايف كوتشينج. كما توفر الأكاديمية دبلومات متخصصة في إعداد المدربين المحترفين TOT وتحليل الشخصية ولغة الجسد وأنماط الشخصية وعلم قراءة الوجوه والفراسة. وتقدم الأكاديمية خدمات مجانية لجميع الفئات والأعمار في الوطن العربي. يمكن لدينا مزيد من المعلومات عن خدماتنا وبرامجنا، يمكنك الاطلاع على المزيد من المعلومات على صفحات مقالاتنا.
اقرأ المزيد.
انضم إلينا
موضوعات ذات صلة
لحجز استشارة أون لاين مع
تهتم الأكاديمية الدولية لتطوير الذات بتقديم التدريب والاستشارات النفسية والأسرية عبر الإنترنت، وتتميز بمنهج علمي متكامل في مجالات الصحة النفسية والإرشاد الأسري، وعلاج سلوكي للإدمان، والتنمية البشرية، وتطوير الذات واللايف كوتشينج. كما توفر الأكاديمية دبلومات متخصصة في إعداد المدربين المحترفين TOT وتحليل الشخصية ولغة الجسد وأنماط الشخصية وعلم قراءة الوجوه والفراسة. وتقدم الأكاديمية خدمات مجانية لجميع الفئات والأعمار في الوطن العربي. يمكن لدينا مزيد من المعلومات عن خدماتنا وبرامجنا، يمكنك الاطلاع على المزيد من المعلومات على صفحات مقالاتنا. اقرأ المزيد.
,